मिस नेपाल २०२६’ को मुख्य प्रायोजक कजारिया
काठमाडौं : सेरामिक र भिट्रिफाइड टायल उद्योगको अग्रणी ब्रान्ड कजारियाले द हिडन ट्रेजर मिस नेपाल २०२६ को मुख्य प्रायोजक बनेको छ। कजारिया औपचारिक रूपमा मिसन नेपाल २०२६ को मुख्य प्रायोजक बनेको हो।
कजारियाले उत्पादनभन्दा माथि उठेर अर्थपूर्ण ब्रान्ड अनुभवहरू सिर्जना गर्ने आफ्नो यात्रालाई निरन्तरता दिएको बताएको छ।
“मिस नेपाल २०२६ सँगको यस आबद्धतामार्फत कजारियाले टायल र डिजाइन सोलुसन्सको दायराभन्दा बाहिर गएर आफ्नो उपस्थितिलाई मजबुत बनाउने लक्ष्य राखेको छ,” विज्ञप्तिमा भनिएको छ “यसले आफूलाई आकांक्षा, भव्यता, आत्मविश्वास र आधुनिक नेपाली उत्कृष्टतालाई प्रतिनिधित्व गर्ने ब्रान्डको रूपमा स्थापित गर्न खोजेको छ। यो सहकार्यले रचनात्मकता, महत्त्वाकाङ्क्षा र रूपान्तरणलाई प्रतिबिम्बित गर्ने मञ्चहरूसँग हातेमालो गर्ने कजारियाको दृष्टिकोणलाई थप सबल बनाएको छ।”
जेठ ८, २०८३ शुक्रबार १८:१०:३९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
