साफ यू-१६ महिला फुटबल : बंगलादेशसँग २-० गोलले पराजित नेपाल
काठमाडौं : साफ यू-१६ महिला फुटबल प्रतियोगिता अन्तर्गत नेपालले आफ्नो पहिलो खेलमा नै हार बेहोरेको छ।
शनिबार काठमाडौँको एन्फा कम्प्लेक्समा भएको खेलमा नेपाल बंगलादेशसँग २-० गोलले पराजित भएको हो।
बंगलादेशदेशको जितको लागि सौरबी प्रीतिले दुई गोल गरिन्।
सुरूदेखि नै नेपाली टोलीलाई दबाबमा राख्दै खेलको २४ औं मिनेटमा प्रीतिले पहिलो गोल गरेकी थिइन्। त्यसको ५ मिनेटपछि पेनाल्टी मार्फत् उनले दोस्रो गोल थपिन्।
पहिलो हाफमा बंगलादेशदेशले दुई गोल गर्यो भने दोस्रो हाफमा दुबै टोलीबाट गोल हुन सकेन।
जितसँगै बंगलादेशले ३ अंक जोडेको छ। यता, नेपाल, भारत, भुटान र बङ्गलादेश सम्मिलित प्रतियोगिताको आफ्नो पहिलो खेलमा पराजित भएसँगै नेपाललाई शीर्ष २ मा पुग्न कठिन हुने भएको छ।
प्रतियोगिताको पहिलो खेलमा भारतले भुटानलाई ७-० ले हराएको थियो।
राउन्ड रोविन अनुसार सबैले एकअर्कासँग प्रतिस्पर्धा गरेपछि शीर्ष २ टिमले फाइनल खेल्ने छन्।
१९ फागुन, २०८०, १८:२४:५९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
