नोरा फतेही VS ज्याकलिन फर्नान्डिज : मानहानीको मुद्दाकाे सुनुवाइ अब मार्च २५ मा हुने
एजेन्सी : नयाँ दिल्लीको पटियाला हाउस कोर्टले नोरा फतेहीले बलिउड अभिनेत्री ज्याकलिन फर्नान्डिज विरुद्धको मानहानीको उजुरीमा मार्च २५ मा सुनुवाइ गर्नेछ।
नोरा फतेहीले हालै बलिउड अभिनेत्री ज्याकलिन फर्नान्डिज र विभिन्न सञ्चारमाध्यमहरू विरुद्ध मानहानीको मुद्दा दायर गरेकी छन् ।
नोरा र ज्याकलिनलाई सुकेश चन्द्रशेखर र अन्यसँग संलग्न रहेको २०० करोड रूपैयाँ फिरौती प्रकरणमा धेरै अनुसन्धान एजेन्सीहरूले सोधपुछ गरेका छन्।
शनिबार महानगरीय मजिस्ट्रेट कपिल गुप्ता समक्ष मुद्दा दर्ता भए पनि उनी आधिकारिक तालिममा संलग्न भएकाले मजिस्ट्रेटले सुनुवाइ गर्न सकेनन्।
१९ डिसेम्बर २०२२ मा, उजुरीकर्ताका वकिलले साक्षीहरूको सूची पेश गर्न अदालतसँग थप समय मागे।
ज्याकलिन फर्नान्डिसको बयानले आफ्नो प्रतिष्ठामा ठेस पुर्याएको नोरा फतेहीको गुनासो छ।
७ माघ, २०७९, १५:१६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
