नक्कली पेस्तोल देखाएर ठगी, एक जना पक्राउ
२ घण्टा अघि
रौतहट : नक्कली पेस्तोल देखाई ठगी गरेको आरोपमा प्रहरीले एक जनालाई पक्राउ गरेको छ।
पक्राउ पर्नेमा भारत मोतिहारी ग्राम पञ्चायत खरोही-४ बस्ने २० वर्षीय अब्दुल कलाम रहेका छन्। उनलाई सोमबार बेलुकी प्रहरीले पक्राउ गरेको हो।
ईशनाथ नगरपालिका-४ मठियास्थित सीमाक्षेत्रमा हिँडडुल गर्ने व्यक्तिहरूलाई नक्कली पेस्तोल देखाई डर त्रास देखाएर पैसा मागेको भन्ने सूचनाका आधारमा अब्दुललाई पक्राउ गरिएको प्रहरी चौकी मठियाले जनाएको छ।
यस सम्बन्धमा प्रहरीले आवश्यक अनुसन्धान गरिरहेको छ।
माघ ९, २०८१ बुधबार १२:३६:२९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
