चन्द्रागिरिबाट १५ हजार ट्याब्लेट ट्रामाडोल बरामद, नयाँ बसपार्कबाट एकजना पक्राउ
काठमाडौं : चन्द्रागिरि नगरपालिका-२ नागढुङ्गाबाट १५ हजार ट्याब्लेट ट्रामाडोल नामक लागूऔषध बरामद गरिएको छ।
प्रहरी प्रभाग नागढुङ्गा र लागूऔषध नियन्त्रण ब्यूरो शाखा नागढुङ्गाबाट खटिएका प्रहरीले सुनौलीबाट काठमाडौंतर्फ आउँदै गरेको लु२ ख ६८१८ नम्बरको बस जाँच गर्ने क्रममा डिकीमा राखी ल्याएको उक्त परिमाणको लागूऔषध फेला पारी आज बरामद गरेको हो।
त्यसमा काभ्रेपलाञ्चोकको बनेपा नगरपालिका-६ बस्ने २७ वर्षीय किरण श्रेष्ठको संलग्नता रहेको सूचनाका आधारमा प्रहरीले उनलाई गोंगबुस्थित नयाँ बसपार्कबाट पक्राउ गरेको छ।
पुष २२, २०८१ सोमबार १८:१३:३८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
