वैदेशिक रोजगारीमा आकर्षको तलबको प्रलोभन देखाएर ठगी गरेको आरोपमा तीन जना पक्राउ
काठमाडौं : वैदेशिक रोजगारीमा आकर्षको तलबको प्रलोभनमा रकम ठगी गरेको आरोपमा तीन जना पक्राउ परेका छन्।
विभिन्न देशमा पठाइदिने भनी सर्वसाधारणबाट रकम असुल गरी सम्पर्कबिहीन भएकाधनुषाको मिथिला नगरपालिका-९ का ४१ वर्षीय रवीन कोइराला, धादिङको सिद्धलेक गाउँपालिका-७ आदमटारका ३६ वर्षीय पदमबहादुर भुजेल र झापा बाह्रदर्शी गाउँपालिका-३ का ४१ वर्षीय कार्तिकलाल राजवंशी पक्राउ परेका हुन्।
रविनले एक लाख रूपैयाँ, पदमले तीन रूपैयाँ र कार्तिक सात लाख ७० हजार रूपैयाँ लिई सम्पर्कबिहीन भएको भन्ने पीडितको उजुरीको आधारमा काठमाडौं उपत्यका अपराध अनुसन्धान कार्यालयले उनीहरुलाई काठमाडौंका विभिन्न स्थानबाट पक्राउ गरेको हो।
उनीहरूलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको केन्द्रीय प्रहरी प्रवक्ता प्रहरी नायब महानिरीक्षक दानबहादुर कार्कीले जानकारी दिए।
मंसिर ११, २०८१ मंगलबार १६:४९:०५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
