लाजिम्पाटमा घरजग्गा व्यवसायी लामालाई रडले हानेर घाइते बनाउने समूहका एकजना पक्राउ

काठमाडौं : प्रहरीले काठमाडौंको लाजिम्पाटस्थित नुवाकोट घर भई टोखा नगरपालिका-३ ग्राण्डी बस्ने ३५ वर्षीय घरजग्गा व्यवसायी विक्रम लामामाथि आक्रमण गरेको आरोपमा थप एक जनालाई पक्राउ गरेको छ। 

पक्राउ पर्नेमा गोरखाको फुजेल घर भएका निश्चल सुनार छन्। उनलाई जिल्ला प्रहरी कार्यालय झापासँगको समन्वयमा आज पक्राउ गरी काठमाडौं ल्याइएको जिल्ला प्रहरी परिसर काठमाडौंका प्रवक्ता एसपी नवराज अधिकारीले जानकारी दिए। 

लामालाई आक्रमण गरेको आरोपमा प्रहरीले यसअघि शैलेन्द्र तामाङ उर्फ मार्सल पक्राउ गरेर अभद्र व्यवहारमा मुद्दा चलाएको थियो। अदालतको आदेशले मार्सल थुनामा गएको प्रहरीले जनाएको छ। 

लाजिम्पाटस्थित इनोभा अस्पतालको पार्किङमा विक्रमलाई गत कात्तिक ११ मा चार जनाको समूह मिलेर रड प्रहार गरेर निर्घात कुटपिट गरेको सिसिटिभी फुटेजमा देखिएको थियो। 

मंसिर १, २०८१ आइतबार १४:५३:२१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।