गोकर्णेश्वरमा आमा, छोरा र छोरीको सडेको अवस्थामा शव भेटियो, अनुसन्धान गर्दैछ प्रहरी
काठमाडौं : काठमाडौंको गोकर्णेश्वर नगरपालिका-३ स्थित गाम्चामा एकै परिवारका ३ जना मृत भेटिएका छन्।
मृत भेटिनेमा ३३ वर्षीया सीता मोक्तान, उनकी छोरी अंशु मोक्तान र दुई वर्षीय छोरा छन्। उनीहरू तीनैजनाको शव सडेको अवस्थामा भेटिएको छ।
त्यसअघि सीताका श्रीमान् कान्छा नगरकोटीले श्रीमती र दुई छोराछोरी हराएको भन्दै प्रहरीलाई खबर गरेका थिए। खोजीको क्रममा कोठाभित्रबाट चुकुल लगाएको अवस्थामा उनीहरूको शव भेटिएको जिल्ला प्रहरी परिसर काठमाडौँका एक अधिकृतले बताए।
अहिले घटनास्थलमा प्रहरी वृत्त, बौद्ध, जिल्ला प्रहरी परिसर, काठमाडौं र उपत्यका अपराध अनुसन्धान कार्यालयको टोली पुगेको छ।
त्यस टोलीले सीताका श्रीमान् कान्छा नगरकोटीलाई सोधपुछ गरिरहेको छ।
कात्तिक २८, २०८१ बिहीबार १९:१५:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
