सबै रेकर्ड तोड्दै सुनको मूल्यको नयाँ कीर्तिमान
काठमाडौं : सुनको मूल्यले नयाँ कीर्तिमान कायम गरेको छ।
तोलामा आठ सय रुपैयाँ बढेसँगै सुनको मूल्य नेपालमा इतिहासकै उच्च भएको नेपाल सुनचाँदी व्यवसायी महासंघले जनाएको छ।
महासंघका अनुसार बुधबार सुन तोलाको एक लाख ५३ हजार एक सय रुपैयाँ पुगेको छ। मंगलबार सुन तोलाको एक लाख ५२ हजार तीन सय रुपैयाँ थियो।
यसअघि सुनको मूल्य सबैभन्दा बढी भदौ ४ गते एक लाख ५३ हजार रुपैयाँ पुगेको थियो।
यस्तै चाँदीको मूल्यमा पनि आज तोलाको पाँच रुपैयाँ बढोत्तरी आएको छ। मंगलबार तोलाको एक हजार ८५० रुपैयाँमा कारोबार भएको चाँदीको मूल्य बुधबार एक हजार ८५५ रुपैयाँ कायम भएको छ।
भदौ १२, २०८१ बुधबार ११:२६:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
