सुनको मूल्य तोलामा तीन सयले बढ्यो
![सुनको मूल्य तोलामा तीन सयले बढ्यो](https://ukeraa.prixacdn.net/media/albums/Gold-Silver_bjmLznjEe7_xUtwjhOMcI.jpg )
काठमाडौं : साताको दोस्रो दिन सोमबार सुनचाँदीको मूल्य बढेको छ।
आइतबारको तुलनामा सोमबार सुन तोलामा तीन सय रुपैयाँ र चाँदी २५ रुपैयाँ बढेको नेपाल सुनचाँदी व्यवसायी महासंघले जनाएको छ।
महासंघका अनुसार सोमबार छापावाल सुनको मूल्य तोलाको १ लाख ३७ हजार २ सय रुपैयाँ कायम भएको छ।
तेजाबी सुनको मूल्य तोलाको १ लाख ३६ हजार ५५० रुपैयाँ हुँदा चाँदी तोलाको १ हजार ८८० रुपैयाँ तोकिएको महासंघले जनाएको छ।
आइतबार छापावाल सुनको मूल्य तोलाको १ लाख ३६ हजार ९ सय रुपैयाँ थियो।
जेठ १४, २०८१ सोमबार १०:५३:०९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।