१ लाख ३० हजार प्रतितोला पुगेर स्थिर रह्यो सुनको मूल्य
काठमाडौं : नेपाली बजारमा सुनको मूल्य स्थिर छ।
नेपाल सुनचाँदी व्यवसायी महासंघका अनुसार आइतबार तोलामा १ लाख ३० हजार रुपैयाँमा सुनको कारोबार भएको छ।
यसअघि शुक्रबार पनि सोही मूल्यमा कारोबार भएको थियो। सुनको यो मूल्य हालसम्मकै उच्च हो।
दुई सातामै सुन तोलाको ५ हजार बढेको छ। चैत ४ गते तोलामा १ लाख २५ हजार रुपैयाँमा सुनको कारोबार भएको थियो।
त्यस्तै, चाँदीको मूल्य आइतबार स्थिर रहेको छ।
प्रतितोला १ हजार ५२५ रुपैयाँमा चाँदीको कारोबार भएको छ।
यसअघि चैत ८ गते चाँदी प्रतितोला १ हजार ५५५ रुपैयाँसम्म पुगेको थियो।
चैत १८, २०८० आइतबार ११:४५:४७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
