प्रधानमन्त्री कप क्रिकेटमा आज एक खेल मात्र, कीर्तिपुरमा कर्णाली र मधेश भिड्दै
काठमाडौं : प्रधानमन्त्री कप राष्ट्रिय क्रिकेट प्रतियोगितामा आज एक मात्र खेल हुने भएको छ।
कर्णाली र मधेश प्रदेशबीचको खेल कीर्तिपुरस्थित त्रिवि क्रिकेट मैदानमा विहान सवा ९ सुरू हुनेछ।
पछिल्लो खेलमा कर्णालीले लुम्बिनीलाई पराजित गरेको थियो भने मधेशले विभागीय टोली एपीएफलाई हराएको थियो।
प्रतियोगितामा मधेशले चार खेलबाट चार अंक जोडेर तालिकाको सातौं स्थानमा रहँदा कर्णाली तीन खेलबाट चार अंक जोडेर तालिकाको छैटौं स्थानमा छ।
प्रतियोगितामा सुदूरपश्चिम प्रदेश तीन खेलमा ६ अंकसहित पहिलो, बागमती पाँच खेलमा ६ अंकसहित दोस्रो र नेपाल पुलिस क्लब दुई खेलमा चार अंकसहित तेस्रो स्थानमा छ।
माघ ६, २०८० शनिबार ०७:३८:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
