जोकोभिचलाई हराउँदै विश्व नम्बर १ अल्कारेजले जिते विम्बल्डनको उपाधि
१ वर्ष अघि
एजेन्सी : विश्व नम्बर १ खेलाडी कार्लोस अल्कारेजले विम्बल्डन टेनिसको उपाधि जितेका छन्। सर्वियन स्टार नोभाक जोकोभिचलाई पाँच सेटसम्म चलेको फाइनलमा हराउँदै स्पेनिस युवा खेलाडी अल्कारेजले करियरको पहिलो विम्बलडन उपाधि जितेका हुन्।
प्रतिस्पर्धात्मक फाइनलमा अल्कारेजले डिफेन्डिङ च्याम्पियन जोकोभिचलाई १–६, ७–६ , ६–१, ३–६ र ६–४ को सेटमा कठिन रुपमा पाखा लगाए।
२० वर्षीय अल्कारेजको यो दोस्रो ग्रान्डस्लाम उपाधि हो। गत वर्ष यूएस ओपनको उपाधि जित्दै उनी विश्व नम्बर १ खेलाडी बनेका थिए।
साउन १, २०८० सोमबार ०७:४१:५४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
