नेपालको फसेको इनिङमा गुल्सन झा नायक, बनाए अर्धशतक
काठमाडौं : एसीसी प्रिमियर कपको यूएईविरुद्धको फाइनल खेलमा गुल्सन झाले अर्धशतक बनाएका छन्।
नेपालको फसेको इनिङलाई उनले नायक बन्दै बचाए। वर्षाको कारण ब्याटिङ गर्न निकै गाह्रो भएको पीचमा उनले ७५ बलमा ४ छक्का र ३ चौकाको सहयोगमा अर्धशतक पुरा गरे।
यूएईले दिएको ११८ रनको सहज विजय लक्ष्य पछ्छाएको नेपालले सुरुवात खराब गरेको थियो। जहाँ मात्र २२ रन जोड्दा नेपालले सुरुवाती ३ विकेट गुमाइसकेको छ।
नेपालका दुवै ओपनर सस्तैमा आउट भए। कुशल भुर्तेल मात्र १ रनमा एलबीडब्लू धरापमा परे। आसीफ शेख पनि मात्र ८ रन जोड्दा एलबीडब्लू आउट भए।
यसपछि आएका कप्तान रोहित पौडेल पनि मात्र १ रनमा बोल्ड भए। तर यसपछि गुल्सन र भीम सार्कीले नेपालको इनिङलाई जोगाएका थिए।
वैशाख १९, २०८० मंगलबार ११:४०:३४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
