टियु मैदानमा आज निःशुल्क प्रवेश पाइने, टिकट लिएकालाई अगाडि नै मैदानमा पुग्न आग्रह
काठमाडौं : वर्षाको कारण सोमबार रोकिएको एसीसी प्रिमियर कपको नेपाल र यूएईबीचको आज हुने बाँकी फाइनल खेलका लागि दर्शकलाई निःशुल्क प्रवेश दिइने भएको छ।
नेपाल क्रिकेट संघ (क्यान) का अनुसार हिजोको फाइनल खेल वर्षाको कारण रोकिएपछि आज हुने बाँकी खेलका लागि टिकट काट्नु नपर्ने भएको हो।
सबैले निःशुल्क प्रवेश पाउने हुनेले हिजोको लागि फाइनल खेलको टिकट लिएकाहरुलाई आज खेल अगाडि नै मैदानमा पुग्न टिकट पार्टनर माइपेले आग्रह गरेको छ।
टियु क्रिकेट मैदानमा टस हारेर पहिला ब्याटिङको निम्तो पाएको यूएईले २७.३ ओभरमा ९ विकेट गुमाउँदै १०६ रन बनाएको अवस्थामा वर्षाका कारण हिजो खेल रोकिएको थियो।
अब आज १०६-९ बाट नै यूएईले ब्याटिङ थाल्नेछ। यूएईको एक विकेट खसाले लगत्तै नेपालले ब्याटिङ गर्नेछ।
वैशाख १९, २०८० मंगलबार ०८:२१:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
