थपिए २८ संक्रमित, १८ जना निको
काठमाडौं: नेपालमा पछिल्लो २४ घण्टामा थप २८ जनामा कोरोना संक्रमण पुष्टि भएको छ।
एक हजार ८७९ वटा स्वाब नमुनाको परीक्षण गरिएकामा २८ जनाको नतिजा पोजिटिभ आएको हो।
पछिल्लो २४ घन्टामा कसैको पनि कोरोनाका कारण मृत्यु पुष्टि भएको छैन। हालसम्म नेपालमा कोरोनाका कारण १२ हजार १९ जनाको मृत्यु भएको छ।
आज २४ घण्टामा देशभर निको हुनेको संख्या १८ छ भने योसँगै नेपालमा कोरोनामुक्त हुनेको संख्या नौ लाख ८८ हजार १४५ पुगेको छ।
स्वास्थ्य तथा जनसंख्या मन्त्रालयले हाल देशभर कोरोनाका सक्रिय संक्रमितको संख्या ५७० रहेको जनाएको छ।
कात्तिक २०, २०७९ आइतबार १७:०३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
