थप ३५५६ जनामा कोरोना पुष्टि, १८ को मृत्यु 

काठमाडौं : देशभर थप तीन हजार पाँच हजार ५६ जनामा कोरोना भाइरस (कोभिड-१९)को संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले  देशभर कोरोना संक्रमित हुनेको संख्या एक लाख १५ हजार तीन सय ५८ पुगेको जानकारी दिए। 

पछिल्लो २४ घण्टामा देशभर एक हजार पाँच सय तीन जना कोरोना संक्रमणमुक्त भएको जानकारी दिए। योसँगै हालसम्म कोरोनाबाट निको हुनेको संख्या ७८ हजार सात सय ८० पुगेको छ। यो देशरभर कोरोना संक्रमित संख्याको ६८.३ प्रतिशत हो। 

१८ को मृत्यु 

देशभर पछिल्लो २४ घण्टामा कोरोना संक्रमित १८ जनाको मृत्यु भएको मन्त्रालयले जनाएको छ। यससँगै कोरोनाबाट ज्यान गुमाउनेको कूल संख्या ६ सय ६३ पुगेको छ। 

देशभर सक्रिय संक्रमितको संख्या ३५ हजार ९ सय १५ रहेको प्रवक्ता गौतमले जानकारी दिए। 
 

असोज २७, २०७७ मंगलबार १६:४९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।