देशभर थप २०७१ जनामा कोरोना पुष्टि
काठमाडौं : देशभर आज (आइतबार) थप दुई हजार ७१ जनामा कोरोना भाइरस (कोभिड-१९)को संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार योसँगै देशभर कोरोना संक्रमितको कुल संख्या एक लाख सात हजार सात सय ५५ पुगेको छ।
पछिल्लो २४ घण्टामा १२ हजार ४ सय २७ जनाको पिसिआर परीक्षण गरिएको प्रवक्ता गौतमले जानकारी दिए।
उक्त अवधिमा देशभरका विभिन्न आइसोलेसनबाट थप १ हजार ५ सय ५२ जना कोरोना संक्रमणमुक्त भएका छन्। योसँगै नेपालमा ७५ हजार ८ सय ४ जना कोरोना संक्रमित उपचारपछि निको भएका प्रवक्ता गौतमले जानकारी दिए।
मन्त्रालयका अनुसार हालसम्म देशभर ६ सय ३६ कोरोना संक्रमितको मृत्यु भएको छ। यस्तै, देशभर सक्रिय संक्रमितको संख्या ३१ हजार ३ सय १५ छ।
असोज २५, २०७७ आइतबार १६:४८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
