पाँच हजार नाघे डेंगु संक्रमित, गण्डकीको तनहुँमा सबैभन्दा धेरै
काठमाडौं : देशभर डेंगु संक्रमितको संख्या पाँच हजार नाघेको छ।
इपिडिमियोलोजी तथा सरुवा रोग नियन्त्रण महाशाखाले दिएको पछिल्लो जानकारी अनुसार डेंगु रोगको सङ्क्रमण हुम्ला र मुस्ताङबाहेकका ७५ जिल्लामा फैलिएको छ।
तीन जनाको डेंगु रोगको सङ्क्रमणका कारण मृत्यु भइसकेको छ। डेंगु सबैभन्दा बढी गण्डकी प्रदेशमा देखिएको छ।
महाशाखाका अनुसार गण्डकी प्रदेशमा सबैभन्दा धेरै दुई हजार चार सय ४० जनामा संक्रमण पुष्टि भएको छ। गण्डकीको पनि तनहुँमा सबैभन्दा बढी एक हजार ११६ जनामा संक्रमण देखिएको छ।
कोशी प्रदेशमा सात सय ४९, मधेशमा ८६, बागमतीमा एक हजार ४८६, लुम्बिनी चार सय १८, कर्णालीमा ७६ र सुदूरपश्चिम प्रदेशमा ३३४ जना सङ्क्रमण देखिएको छ।
काठमाडौं जिल्लामा ४६६, भक्तपुरमा ६२ र ललितपुर ८८ जनामा डेंगु सङ्क्रमण पुष्टि डा. दाहालले जानकारी दिए।
भदौ १४, २०८१ शनिबार ११:५७:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
