बालेन शाहको नेतृत्वमा १६ सदस्यीय मन्त्रिपरिषद् तय : अर्थमा वाग्ले, गृहमा गुरुङ (सूचीसहित)

काठमाडौं : नवनियुक्त प्रधानमन्त्री बालेन्द्र शाह (बालेन)ले १६ सदस्यीय नयाँ मन्त्रिपरिषद् टुङ्गो लगाएका छन्।

रास्वपाका केन्द्रीय सदस्य असीम शाहले सामाजिक सञ्जाल फेसबुकमार्फत नयाँ मन्त्रीहरूको सूची सार्वजनिक गरेका हुन्।

शाहका अनुसार प्रधानमन्त्री बालेन र रास्वपा सभापति लामिछानेबीच भएको लामो छलफल र सहमतिपछि मन्त्रीहरूको नाम र मन्त्रालय टुङ्गो लगाइएको हो।

सरकारको महत्त्वपूर्ण मानिने अर्थ मन्त्रालयको जिम्मेवारी अर्थशास्त्री पार्टी उपसभापति स्वर्णिम वाग्लेलाई दिइएको छ भने देशको आन्तरिक सुरक्षा सम्हाल्ने गृह मन्त्रालयको नेतृत्व जेनजी आन्दोलनका ‘हाइज्याकर’ सुदन गुरुङले गर्ने भएका छन्।

त्यसैगरी, कूटनीतिक मामिला हेर्ने परराष्ट्र मन्त्रालयको जिम्मेवारी शिशिर खनाललाई सुम्पिइएको छ।

नयाँ मन्त्रिपरिषद्‌मा अनुहार र भूगोलको सन्तुलन मिलाउने प्रयास गरिएको छ। १६ सदस्यीय क्याबिनेटमा ५ जना महिला मन्त्री बनेका छन्। जसमा सोबिता गौतम, प्रमिला रावल, गीता चौधरी, सीता वादी र निशा मेहता रहेका छन्।

त्यसैगरी, मधेशको प्रतिनिधित्व गर्दै महोत्तरीका दिपक साहले श्रम मन्त्रालयको नेतृत्व पाएका छन् भने दलित/सीमान्तकृत समुदायबाट प्रतिनिधित्व गर्दै सीता वादीले महिला तथा बालबालिका मन्त्रालय सम्हाल्ने भएकी छन्।

१. बालेन्द्र शाह - प्रधानमन्त्री तथा रक्षा मन्त्री  
२. स्वर्णिम वाग्ले - अर्थ मन्त्री  
३. सुदन गुरुङ - गृहमन्त्री  
४. शिशिर खनाल - परराष्ट्रमन्त्री  
५. सोबिता गौतम - कानुन, न्याय तथा संसदीय मामिला मन्त्री  
६. विराजभक्त श्रेष्ठ - ऊर्जा, जलस्रोत तथा सिँचाइ मन्त्री  
७. अमरेश सिंह - उद्योग, वाणिज्य तथा आपूर्ति मन्त्री  
८. प्रमिला रावल - सङ्घीय मामिला तथा सामान्य प्रशासन मन्त्री  
९. गीता चौधरी - कृषि तथा पशुपन्छी विकास मन्त्री  
१०. विक्रम तिमिल्सिना - सञ्चार तथा सूचना प्रविधि मन्त्री  
११. दिपक साह (महोत्तरी) - श्रम, रोजगार तथा सामाजिक सुरक्षा मन्त्री  
१२. सस्मित पोखरेल - शिक्षा, विज्ञान तथा प्रविधि मन्त्री  
१३. खड्क (गणेश) पौडेल - संस्कृति, पर्यटन तथा नागरिक उड्डयन मन्त्री  
१४. सीता वादी - महिला, बालबालिका तथा ज्येष्ठ नागरिक मन्त्री  
१५. निशा मेहता - स्वास्थ्य तथा जनसङ्ख्या मन्त्री
१६. सुनिल लम्साल - भौतिक पूर्वाधार तथा यातायात मन्त्री