इलाम- १ मा कांग्रेसका निश्कल राई विजयी
काठमाडौं : इलाम क्षेत्र नम्बर १ बाट नेपाली कांग्रेसका उम्मेदवार निश्कल राई विजयी भएका छन्। उनी ९११ मतान्तरले विजयी भएका हुन्।
निर्वाचन अधिकृतको कार्यालयले सोमबार सार्वजनिक गरेको अन्तिम मत परिणामअनुसार राईले १४ हजार ५४३ मत प्राप्त गरे। उनका निकटतम प्रतिस्पर्धी श्रम संस्कृति पार्टीका उम्मेदवार विनोदकुमार नेम्बाङ लिम्बूले १३ हजार ६३२ मत प्राप्त गरेको निर्वाचन अधिकृत खुमप्रसाद भण्डारीले जानकारी दिए।
चुनावी प्रतिस्पर्धामा रहेका एमालेका काजिमान कागतेले ११ हजार ९६६, राष्ट्रिय स्वतन्त्र पार्टीका विमल गदालले नौ हजार १६० तथा नेपाली कम्युनिष्ट पार्टीका रणबहादुर राईले सात हजार ६६५ मत प्राप्त गरे।
फागुन २५, २०८२ सोमबार १७:२१:५२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
