एमालेको झण्डा जलाएको आरोपमा एक जना पक्राउ
तुलसीपुर : यहाँस्थित तुलसीपुरमा एमालेको झण्डा जलाएको आरोपमा एक जनालाई प्रहरीले पक्राउ गरेको छ।
जिल्ला प्रहरी कार्यालयका प्रहरी नायब उपरीक्षक रेशम बोहराका अनुसार झण्डा जलाएको आरोपमा शुक्रबार तुलसीपुर-७ कालाखोला निवासी ५५ वर्षीय बुद्धिबहादुर बस्नेतलाई पक्राउ गरिएको हो।
प्रहरीले झण्डा जलाउने तीन जनाको पहिचान भएको जनाएको छ। तीमध्ये दुई जना फरार छन्। उनीहरूको खोजी भइरहेको प्रनाउ बोहराले बताए।
घोराहीमा हुने कार्यक्रममा सहभागी हुन राष्ट्रिय स्वतन्त्र पार्टीका सभापति रवि लामिछाने र नेता बालेन शाह आउने भन्ने खबर पाएपछि दाङ तुलसीपुरको वीरेन्द्र चोकमा भेला भएका समर्थकहरूले झण्डा जलाएको भन्दै एमालेले कारबाहीको माग गरेको छ।
एमालेले शुक्रबार अपराह्न ४ बजेतिर घोराहीमा प्रदर्शन गरेको छ।
फागुन ८, २०८२ शुक्रबार २०:४४:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
