पश्चिमी वायुको आंशिक प्रभाव : तराईमा हुस्सु, पहाडी भेगमा मौसम सफा रहने
काठमाडौं : हाल नेपालमा पश्चिमी वायुको आंशिक प्रभाव परेको छ।
अहिले हिमाली भूभागमा सामान्य बदली रहेको छ भने बाँकी भूभागमा आंशिक बदलीदेखि मौसम मुख्यतया सफा रहेको छ। यतिबेला तराईका केही स्थानमा भने हुस्सु र कुहिरो लागेको छ।
मौसम पूर्वानुमान महाशाखाका अनुसार, आज दिउँसो तराईका अधिकांश स्थानमा हुस्सु र कुहिरो लाग्ने सम्भावना छ। पहाडी तथा हिमाली भूभागमा भने मौसम सामान्यतया सफा रहने अनुमान गरिएको छ।
यसैगरी, आज राति पनि तराईका केही स्थानमा कुहिरो लाग्ने र पहाडी तथा हिमाली क्षेत्रको मौसम सफा रहने महाशाखाले जनाएको छ।
चिसो तथा हुस्सुका कारण दैनिक जनजीवन, पर्यटन, स्वास्थ्य, तथा हवाई र सडक यातायातमा समेत असर पर्न सक्ने भन्दै महाशाखाले आवश्यक सतर्कता अपनाउन सर्वसाधारणमा अनुरोध गरेको छ।
माघ २२, २०८२ बिहीबार ०७:१५:२६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
