सुर्खेतको २ क्षेत्रमा तीन स्वतन्त्रसहित ३० जना उम्मेदवार
कर्णाली : प्रतिनिधिसभा सदस्य निर्वाचनका लागि सुर्खेतका दुई निर्वाचन क्षेत्रमा तीन स्वतन्त्रसहित ३० जनाले उम्मेदवारी दिएका छन्।
सुर्खेतको निर्वाचन क्षेत्र नम्बर १ बाट १३ जना उम्मेदवारले मनोनयन दर्ता गरे भने क्षेत्र नम्बर २ मा १७ उम्मेदवारहरूले मनोनयन दर्ता गरे। क्षेत्र नम्बर १ मा नेपाली कांग्रेसका विष्णुबहादुर खड्का, एमालेका ध्रुवकुमार शाही, नेपाली कम्युनिस्ट पार्टीका जीतबहादुर राना, राष्ट्रिय स्वतन्त्र पार्टीका टेकबहादुर सिंह ठकुरी र राष्ट्रिय प्रजातन्त्र पार्टीका रवि हमाल ठकुरीले मनोनयन दर्ता गरे।
नेकपा (माओवादी)का हिरू शाही, नेपाल मजदुर किसान पार्टीका गजबहादुर खप्तडी मगर, उज्यालो नेपाल पार्टीका ठम्मरबहादुर विष्ट, जनता समाजवादी पार्टी नेपालका धनसिंह सार्की, राष्ट्रिय जनमोर्चाबाट मोहन थापा, श्रम संस्कृति पार्टीका वीर बहादुर राना, आम जनता पार्टीका रमेश सेन्चुरी र मितेरी पार्टी नेपालका प्रकाश बुढामगरले मनोनयन दर्ता गरेका छन्।
क्षेत्र नं २ मा नेपाली कांग्रेसका नारायणकुमार कोइराला, एमालेका कुलमणि देवकोटा, नेपाली कम्युनिस्ट पार्टीका झकबहादुर मल्ल, राष्ट्रिय स्वतन्त्र पार्टीका रमेशकुमार सापकोटा, राष्ट्रिय प्रजातन्त्र पार्टीका कविराम पुरी, नेपाल मजदुर किसान पार्टीका तुलसी खड्काले मनोनयन दर्ता गरेको निर्वाचन कार्यालय कर्णाली प्रदेश सुर्खेतका सूचना अधिकारी नन्दराम चौलागाईले जानकारी दिए।
नेकपा (माओवादी)का धर्मराज देवकोटा, जनता समाजवादी पार्टी नेपालका दीपबहादुर नेपाली, राष्ट्रिय जनमोर्चाका पूर्णबहादुर शाही, नेकपा संयुक्तका प्रेम तारामी, श्रम संस्कृति पार्टीका राजेन्द्र राम्जाली, उज्यालो नेपाल पार्टीका गम्भीरसिंह भूल, गतिशील लोकतान्त्रिक पार्टीका पवनकुमार थापा र नेपाल जनसेवा पार्टीका हृदयचन्द्र अधिकारीले मनोनयन दर्ता गरे।
क्षेत्र नं.२ मा उदिराम चुनारा, कृष्ण खत्री र रमेश परियारले स्वतन्त्र उम्मेदवारी दिएका छन्।
माघ ६, २०८२ मंगलबार २१:४९:१८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
