ओमानविरुद्ध भुर्तेलको अर्धसतक
काठमाडौं : आइसिसी ट्वान्टी-२० विश्वकप एसिया एन्ड इस्ट एसिया प्यासिफिक छनोटको सुपर सिक्स अन्तर्गत ओमानविरुद्धको खेलमा ओपनर ब्याटर कुशल भुर्तेलले अर्धसतक पुरा गरेका छन्।
ओमानको अल अमिरतस्थित ओमान क्रिकेट एकेडेमी टर्फ-१ मा जारी खेलमा नेपालले टस जितेर ब्याटिङ सुरु गरिरहेको छ। भुर्तेलले ३८ बलमा ५० रन बनाएका हुन्।
जारी खेलमा नेपालले १३.२ ओभरमा ४ विकेट गुमाएर ९० रन बनाएको छ। नेपालका तर्फबाट ओपनर कुशल भुर्तेलल र आदिल अलामले ब्याटिङ गरिरहेका छन्।
जारी प्रतियोगितामा शीर्ष तीनमा पर्दै नेपाल र ओमानले टी-२० विश्वकपमा स्थान सुरक्षित गरिसकेका छन् ।
नेपालले ओमानविरुद्ध ब्याटर सन्दीप जोरालाई आज आराम दिएको छ। उनको स्थानमा लोकेश बमलाई मौका दिएको छ ।
नेपालको प्लेइङ-११ मा कप्तान पौडेलसहित आसिफ शेख, कुशल भुर्तेल, लोकेश बम, दीपेन्द्रसिंह ऐरी , सन्दीप लामिछाने, कुशल मल्ल, गुल्सन झा, सोमपाल कामी, नन्दन यादव र मोहम्मद आदिल अलाम छन्।
असोज २९, २०८२ बुधबार २१:४३:१९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
