रूसी तेल ट्याङ्कर र जहाजमा क्यानडाको प्रतिबन्ध

एजेन्सी : क्यानडाका प्रधानमन्त्री जस्टिन ट्रुडोले रुसी तेल ट्याङ्कर र जहाजहरूमा प्रतिबन्ध लगाउने घोषणा गरेका छन्।

जस्टिन ट्रुडोले सामाजिक सञ्जाल प्लेटफर्म एक्समा रूसले तेलबाट कमाएको पैसाले युक्रेनमा आफ्नो युद्धलाई आर्थिक सहयोग गरिरहेको भन्दै यस्तो प्रतिबन्ध लगाएको जानकारी गराएका हुन्।

‘अन्तर्राष्ट्रिय प्रतिबन्धहरूबाट बच्न रूसले अवैध रूपमा जहाजहरू मार्फत विश्वभर आफ्नो तेल ढुवानी गरिरहेको छ,’ उनले भने, ‘मैले किभमा रहेका १०९ रूसी तेल ट्याङ्कर र जहाजहरूमा नयाँ प्रतिबन्धहरूको घोषणा गरेको छु।’

यसअघि प्रधानमन्त्री ट्रुडोले स्थायी शान्तिको लडाइँ एक्लै जित्न नसकिने भन्दै आफूहरू युक्रेनको समर्थनमा रहेको बताएका थिए।

‘मैले कीभमा राष्ट्रपति जेलेन्स्कीसँग कुरा गरें र भनें कि क्यानडा सधैं युक्रेनको साथमा उभिनेछ,’ ट्रुडोले भनेका थिए, ‘मैले युक्रेनमा शान्ति स्थापना गर्न र सार्वभौमसत्ता कायम राख्न क्यानडाबाट नयाँ सैन्य सहयोग प्रदान गर्ने बारेमा कुरा गरेको छु।’

फागुन १४, २०८१ बुधबार १०:५२:४१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।