‘मायावी’लाई युनिभर्सल प्रमाणपत्र

‘मायावी’लाई युनिभर्सल प्रमाणपत्र

काठमाडौं : महाशिवरात्रीबाट प्रदर्शनमा आउन लागेको चलचित्र ‘मायावी’ सेन्सर प्रमाणपत्र पाएको छ।

आइतबार केन्द्रीय चलचित्र जाँचपास समितिले दुई घण्टा २१ मिनेट लामो फिल्मलाई युनिभर्सल प्रमाणपत्र दिएको हो।

समितिका अध्यक्ष कोशहरि निरौलाले सबैले हेर्न मिल्ने गरी युनिभर्सल प्रमाणपत्र दिएका हुन्। समितिले युनिभर्सल, पीजी र एडल्ट प्रमाणपत्र दिने गर्छ।

दिवाकर भट्टराईको निर्देशनमा बनेको फिल्मलाई धुर्व न्यौपाने, राज कटुवाल र चन्द पन्तले निर्माण गरेका छन्।

फिल्ममा पल शाह र दीपिका प्रसाईंको मुख्य भूमिका छ।

फागुन १२, २०८१ सोमबार १३:१४:११ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।