गायक सुजनको ब्यान्डका सदस्यलाई अमेरिकी दूतावासले भिसा दिएन, कन्सर्ट स्थगित

काठमाडौँ : अमेरिकामा साङ्गीतिक टुरको तयारीमा रहेका गायक सुजन चापागाईँको ब्यान्डका सदस्यहरूलाई नेपालस्थित अमेरिकी दूतावासले भिसा दिन अस्वीकार गरेको छ।

चापागाईँसहित आठ जनाले २०२५ मार्चदेखि अमेरिकाको विभिन्न राज्यका सहरमा ‘आरोह अमेरिका–सुजन चापागाईँ एन्ड द ब्यान्ड’ नामक साङ्गीतिक कार्यक्रम गर्दै थिए।

कार्यक्रममा सहभागी हुन चापागाईँसहित आठ जनाले भिसाको आवेदन दिएकोमा एक जनाको मात्र स्वीकार भएको चापागाईँले नै सार्वजनिक गरेका छन्। ब्यान्ड नै सहभागी हुनेगरी तयारी गरिए पनि एक जनाको मात्र आवेदन स्वीकार भएपछि कार्यक्रम नै रद्द भएको छ।

चापागाईँले फेसबुकमा ‘८ सदस्यीय ब्यान्डबाट केवल १ जनाले मात्र भिसा प्राप्त गरेपछि निर्धारित कार्यक्रमहरू प्रभावित भएका छन्’ उनले लेखेका छन् ‘लगभग दुई वर्षको तयारीपछि हाम्रो लाइभ जर्नी पुनः सुरु गर्ने वाचा पूरा गर्न नसक्दा दुःखी छु। आयोजक, दर्शक तथा शुभचिन्तकहरूप्रति क्षमा चाहन्छुु।'

फागुन १०, २०८१ शनिबार १८:२७:२४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।