‘फेरि रेशम फिलिली’को गीत बनाउँदा निर्माता र संगीतकारबीच भनाभन
काठमाडौं : संगीतकार तथा गायक कालीप्रसाद बास्कोटा र चलचित्र निर्माता रौनक कँडेलबीचको लफडा बाहिरिएको छ।
एक दशकअघि प्रदर्शनमा आएको फिल्म ‘रेशम फिलिली’मा समावेश गीत ‘पारी त्यो डाँडामा’लाई पुन रिकेम गर्दा उनीहरूबीच भनाभनो अवस्था उत्पन्न भएको संगीतकार काली आफैँले स्वीकारे।
मंगलबार फिल्म ‘फेरि रेशम फिलिली’को ट्रेलर रिलिज कार्यक्रममा उनले भने, ‘मैले अलिल्यै गीत रिमेक गर्न चाहेको थिइनँ। मैले मेरो दृष्टिकोणले हेरेको हुन्छु भने उहाँले उहाँको। यसलाई पोजेटिभ नै लिनुपर्छ। फेरि काम गरियो भने फेरि पनि झगडा पर्नसक्छ। अब के गर्ने?’
उनको पत्रकारको प्रश्नको जवाफमा संगीतकार कालीले यस गीतको शब्द परिवर्तन गर्न थाह्रो भएको कारण भनाभन भएको बताए।
‘खासमा के भएको थियो भने यो गीतको लिरिक्स चेन्ज गर्न गाह्रो भएर काम मैले सजिलो गरि उठाउन लगाएको हो,’ उनले प्रस्ट पार्दै भने, ‘रौनकजीले छोड्नु भएन, कुरा यति हो।’
निर्माता रौनकले पनि संगीतकार बास्कोटाको कुरामा समर्थन गर्दै कुरा त्यति नै भएको बताए। यो भन्दा बढि केहि नभएको भन्दै उपस्थित पत्रकारलाई विश्वस्त पार्न तर्फ लागे।
फागुन १४ गतेबाट प्रदर्शनमा आउन लागेको फिल्म ‘फेरि रेशम फिलिली’मा समावेश गीत पुरानै शैलीको छ। यसमा केहि कलाकार दोहोरिएका छन् भने केहि थपिएका र हटाइएका छन्।
अभिनेता विनय श्रेष्ठ, कामेश्वर चौरसिया लगायत कलाकार पुरानै हुन् भने मेनुका प्रधानको ठाउँमा सुपुष्पा भट्ट आएकी छन्। फिल्ममा विनय, कामेश्वर, सुपुष्पाका अलवा नीर शाह, शिशिर वाङ्देल, लक्ष्मी गिरी, महेश त्रिपाठी लगायतका कलाकारहरूको अभिनय छ।
निरोज महर्जनको पटकथा र निर्देशन रहेको यो फिल्म सिनेमा आर्टको निर्माण र भी–मोसन पिक्चर्सको सहकार्यमा बनेको हो। रौनकविक्रम कडेल निर्माता,सुरज बम ठकुरी कार्यकारी निर्माता, एनी थापा सह निर्माताको रुपमा रहेका छन्।
फिल्म यहि फागुन १४ गते महाशिवरात्रीको दिनबाट प्रदर्शनमा आउन लागेको हो। योसँगै दिवाकर भट्टराईको फिल्म ‘मायावी’ प्रदर्शन हुनेछ। कुमार कट्टेलको फिल्म ‘लाज शरणम्’लाई पाटन विशेष अदालतले प्रचारप्रसार नगर्न अन्तरिम आदेश दिए पनि सेन्सर गर्न र प्रदर्शनको बारेमा भने फैसला बोलेको छैन।
फागुन ७, २०८१ बुधबार १०:३२:२३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।
