घर लिपपोत गर्न माटो ल्याउन गएकी महिलाको ढिस्कोमा पुरिएर मृत्यु
९ हप्ता अघि
जुम्ला : जुम्लामा माटोको ढिस्कोमा पुरिएर आज एक जनाको मृत्यु भएको छ।
घर लिपपोत गर्न माटो ल्याउन गएकी चन्दननाथ नगरपालिका-६ की २५ वर्षीया विमला सुनारको ढिस्कोमा पुरिएर मृत्यु भएको जिल्ला प्रहरी कार्यालयका प्रहरी नायव उपरीक्षक छेदिलाल कामतीले जानकारी दिए।
चन्दननाथ-४ मालाभिडमा माटो निकाल्दै गर्दा एक्कासि ढिस्को खसेपछि उनी पुरिएकी हुन्।
विमला गाउँकै ६ जनाको समूहमा माटो ल्याउन गएकी थिइन्।
उनको शव परीक्षणका लागि कर्णाली स्वास्थ्य विज्ञान प्रतिष्ठान लगिएको प्रहरीले जनाएको छ।
माघ १९, २०८१ शनिबार १८:३२:५५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।
