एमएडब्लू वृद्धिद्वारा चार्जिङ नेटवर्क विस्तार: ८६ स्टेसन सञ्चालन, थप १०० स्थानमा चाँडै सञ्चालनमा आउने
काठमाडौं : दिगो गतिशीलता समाधानमा अग्रणी कम्पनी एमएडब्लू वृद्धिले नेपालभरि कूल ८६ विद्युतीय सवारी साधन चार्जिङ स्टेसन स्थापना गरेको छ।
पर्यावरणमैत्री यातायात अपनाउने प्रतिबद्धता अनुरुप यी ईभी चार्जिङ स्टेसनको स्थापना गरिएको हो। निकट भविष्यमा थप १०० चार्जिङ स्टेशन थपेर नेटवर्कलाई अझ विस्तार गर्ने योजना बनाइरहेको कम्पनीले पहुँचयोग्य र कुशल ईभी पूर्वाधारको लागि बलियो जग खडा गरिरहेको जनाएको छ।
CCS2-कम्प्याटिबल चार्जिङ नेटवर्क कुशल ईभी पूर्वाधारको बढ्दो माग पूरा गर्ने दिशामा एक उत्कृष्ट कदम हो। यसले हरियाली र स्वच्छ भविष्यको लागि एमएडब्लू वृद्धिको दृष्टिकोणलाई सघाउँछ र व्यक्ति एवम् व्यवसायहरूलाई विद्युतीय सवारी साधनहरूमा स्विच गर्न सजिलो पनि बनाउने कम्पनीले बताएको छ ।
कुशल चार्जिङ सुविधाहरूको व्यापक उपलब्धताले दिगो गतिशीलतालाई प्रवर्द्धन गर्नुका साथै देशलाई वातावरणीय रूपमा जिम्मेवार यातायाततर्फ परिवर्तन गर्ने पनि कम्पनीले बताएको छ ।
यस रणनीतिक विस्तारसँगै एमएडब्लू वृद्धिले नेपालको ईभी इकोसिस्टमलाई सुदृढ पार्दैछ। साथै, ईभी मालिकहरूको लागि पहुँच निर्माण गर्दै दिगोपनको संस्कृतिलाई पनि अगाडि बढाइरहेको छ।
कम्पनीले आफ्नो अग्रगामी दृष्टिकोण अनुरुप थप ईभी पूर्वाधारको बढ्दो मागलाई पूरा गर्नेछ। यसले वातावरणमा कार्बन उत्सर्जन घटाउँदै विद्युतीय सवारी साधनहरूको व्यापक अपनत्वलाई पनि सक्षम बनाउने बताएको छ।
एमएडब्लू वृद्धिको यो उपलब्धिले कम्पनीको नवीनता र वातावरणको हेरचाहप्रतिको बलियो प्रतिबद्धतालाई चित्रण गरेको बताएको छ। बढ्दो नेटवर्कसँगै समुदाय र उद्यमहरूलाई हरित भविष्य अँगाल्न आवश्यक पर्ने कुराहरू प्रदान गर्ने कम्पनीको प्रतिबद्धता छ।
फोटोन नेपालले सञ्चालन गर्ने एमएडब्लू वृद्धि एमएडब्लू समूह र वृद्धि समहबीचको साझेदारी हो। जसले सन् २०१४ देखि नेपालभरि अन्तर्राष्ट्रिय अटोमोटिभ ब्रान्डहरूको प्रतिनिधित्व गर्दै आएको छ।
व्यावसायिक र विद्युतीय सवारी साधनहरूमा विशेषज्ञता हासिल गर्दै एमएडब्लू वृद्धिले फोटोन, सोकोन, सेरेस, नामी र चांगन जस्ता ब्रान्डहरूको प्रतिनिधित्व गर्दै भरपर्दो स्टक, सजिलै उपलब्ध पार्टपूर्जा र गुणस्तरीय सेवा सुनिश्चित गर्ने जनाइएको छ।
माघ १८, २०८१ शुक्रबार ११:५५:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।
