२५ हजारले घट्यो सामसङ एस २४ अल्ट्राको मूल्य, जि सिरिजको कति घट्यो?

काठमाडौं : सामसङ ग्यालेक्सी एस २५ सिरिज लन्चसँगै एस २४ अल्ट्राको मूल्य २५ हजार रुपैयाँले घटेको छ।

सामसङ नेपालले सोमबार एक विज्ञप्ति जारी गर्दै सासमङ ग्यालेक्सी एस २४ अल्ट्राको मूल्य २५ हजार रुपैयाँले घटेको जानकारी दिएको हो।

यसअघि एक लाख ८५ हजार रुपैयाँ बिक्री भरहेको उक्त फोनको मूल्य अहिले एक लाख ६० हजार रुपैयाँ तोकिएको छ।

सन् २०२५ को भ्यालेन्टाइन सिजनका लागि भन्दै सामसङ नेपालले नयाँ ग्यालेक्सी जेड सिरिजका फोल्डेबल फोनमा पनि मूल्य घटाएको छ।

कम्पनीले ग्यालेक्सी जेड फोल्ड ६ को दुवै भर्सन (१२/२५६ जिबि र १२/५१२ जिबि)मा २० हजार रुपैयाँ घटाउँदा ग्यालेक्सी जेड फ्लिप ६ (१२/२५६ जिबि)को मूल्य १५ हजार रुपैयाँले घटाएको छ।

यसका अलावा ग्यालेक्सी जेड फोल्ड ६ र ग्यालेक्सी जेड फ्लिपको खरिदमा पाँच हजार पाँच सय मूल्यको क्लियर केस निःशुल्क पाउनेछन्।

साथै, देशभरका आधिकारिक सामसङ स्टोरहरूमा उपलब्ध सामसङ इनस्टा फाइनान्स सेवाबाट ग्यालेक्सी जेड सिरिजका स्मार्टफोनहरूलाई १८ महिनासम्म र ग्यालेक्सी एस २४ अल्ट्रालाई १२ महिनासम्मको अवधिभित्र शून्य प्रतिशत ब्याजदरमा ईएमआईमार्फत खरिद गर्न सकिन्छ।

माघ १५, २०८१ मंगलबार ०८:१९:३२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।