धनुषामा लौरो प्रहार गरि महिलाको हत्या, श्रीमान पक्राउ
२१ घण्टा अघि
काठमाडौं : धनुषामा श्रीमतीको हत्या आरोपमा श्रीमान् पक्राउ परेका छन्।
श्रीमती अन्दाजी २९ वर्षीया संगीता ठाकुरको हत्या आरोपमा धनुषाधाम नगरपालिका वडा नम्बर-५ पर्वताका देवलाल ठाकुर पक्राउ परेका हुन्।
प्रारम्भिक अनुसन्धानमा महिलाको श्रीमान देवलाल ठाकुरसँग राति करिब २ः३० बजे संगीताको झगडा हुँदा देवलालले टाउकोमा लौरो प्रहार गरि हत्या गरेको हुनसक्ने इलाका प्रहरी कार्यालय धनुषाधामले जनाएको छ।
देवलालको मानसिक अवस्था सामान्य नरहेको स्थानीयहरूले बताएका छन्।
देवलाललाई धनुषाधाम प्रहरीले पक्राउ गरी अनुसन्धान प्रक्रिया अगाडि बढाएको प्रहरी प्रधान कार्यालयले जनाएको छ।
शवलाई पोष्टमार्टमको लागि प्रादेशिक अस्पताल जनकपुरधाम पठाइएको छ।
माघ १३, २०८१ आइतबार १३:१०:०७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
