कुवामा डुबेर वृद्धाको मृत्यु
गोरखा : कुवामा डुबेर एक वृद्धाको मृत्यु भएको छ।
पालुङटार नगरपालिका-६, ठूलाचौर घर भएकी ६७ वर्षीया कृष्णामाया कामीको डुबेर मृत्यु भएको जिल्ला प्रहरी कार्यालयका प्रहरी निरीक्षक धुव्रप्रसाद शर्माले जानकारी दिए।
करिब पाँच फिट गहिरो कुँवामा मृतावस्थामा कामीको शव देखेपछि स्थानीयले प्रहरीलाई खबर गरेका थिए। घटना बिहीबार भएको प्रहरीको भनाइ छ।
घटनापछि मृतकको शव उद्धार गरी परीक्षणपछि अन्त्येष्टिका लागि परिवारलाई बुझाइएको उनले बताए।
प्रहरी निरीक्षक शर्माका अनुसार मृतक मानसिक रोगी भएको जानकारी परिवारका सदस्यले प्रहरीलाई दिएको छ।
माघ ११, २०८१ शुक्रबार १०:३७:२४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
