यु१९ महिला टी२० विश्वकपमा नेपालले आज मलेसियासँग खेल्ने
काठमाडौं : आईसीसी यु१९ महिला टी२० क्रिकेट विश्वकप अन्तर्गत नेपालले आज मलेसियासँग खेल्दैछ। खेल अपरान्ह सवा १२ बजेदेखि शुरू हुनेछ।
यसअघि समूह चरणमा बाहिरिएका नेपाल र आयोजक मलेसिया १३औं देखि १६औं स्थानसम्मको प्लेअफका लागि खेल्न लागेका हुन्।
त्यस्तै अर्को प्लेअफमा पाकिस्तान र सामोआ पनि खेल्दैछन्।
विश्वकपको सुपर सिक्सको समूह ‘एक’मा भारत, अस्ट्रेलिया, श्रीलंका, बंगलादेश, स्कटल्याण्ड र वेस्टइण्डिज रहेका छन् भने समूह ‘२’ मा दक्षिण अफ्रिका, इङल्याण्ड, अमेरिका, नाइजेरिया, आयरल्याण्ड र न्यूजील्याण्ड रहेका छन्।
समूह ‘डी’मा रहेको नेपालले तीनै खेलमा हार बेहोरेर बाहिरिएको थियो। मलेसियामा जनवरी १८ देखि शुरू भएको यस विश्वकपमा १६ देशले भाग लिएका छन्।
माघ ११, २०८१ शुक्रबार ०७:५३:५६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
