भक्तपुरमा कार र मोटरसाइकल ठोक्किँदा आमाको मृत्यु, छोरी घाइते
भक्तपुर : मध्यपुरथिमि नगरपालिका-२ सानोथिमिस्थित दिव्यश्वरी प्लानिङमा मोटरसाइकल र कार एकआपसमा ठोक्किँदा एक जनाको मृत्यु भएको छ भने एक बालिका घाइते भएकी छिन्।
जिल्ला प्रहरी परिसर भक्तपुरका निमित्त सूचना अधिकारी एवं प्रहरी निरीक्षक टेकेन्द्र शर्मा पौडेलका अनुसार बा प्र ०१–०२७ च. ९२७ नम्बरको कार र बा५० प ७४१ नम्बरको मोटरसाइकल एकआपसमा ठोक्किँदा मोटरसाइकलमा सवार भोजपुरको पात्लेपानी गाउँपालिका-६ घर भई हाल काठमाडौं पेप्सीकोला बस्ने २३ वर्षीया सपना राईको मृत्यु भएको हो।
उनको उपचारका क्रममा काठमाडौं मेडिकल कलेज सिनामङ्गलमा मृत्यु भएको हो।
दुर्घटनामा मोटरसाइकलमै सवार तीन वर्षीया ईश्वरी राई घाइते भएकी छिन्। दुवै जना आमा छोरी हुन्।
कार चालक रामेछापको सुनापाती गाउँपालिका-१ घर भई हाल काठमाडौको बूढानीलकण्ठ नगरपालिका-४ बस्ने ३४ वर्षीय कृष्णप्रसाद गौतमलाई प्रहरी वृत्त थिमिले नियन्त्रणमा लिएर अनुसन्धान गरिरहेको प्रहरी निरीक्षक पौडेलले जानकारी दिए।
माघ १०, २०८१ बिहीबार २२:०९:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
