'जुना: एक व्यथा' फिल्मको गीत 'आमाको मुहार' सार्वजनिक

काठमाडौँ : माघ २५  रिलिज मिति तोकेर प्रचारमा सक्रिय फिल्म 'जुना: एक व्यथा' को 'आमाको मुहार' बोलको गीत सार्वजनिक भएको छ। ओएसआर डिजिटलबाट सार्वजनिक गीतमा यदु राई लकान्द्रीको स्वर, जीवन सेन्चुरीको शब्द र रमेश सेन्चुरीको संगीत रहेको छ।

गीत र भिडियोले बाल विवाहपछिको एक बालिकाको करुण जीवन यात्रा चित्रण गर्छ। श्रीमानको यातना र सासूको क्रूर व्यवहारलाई यथार्थपरक रूपमा प्रस्तुत गरिएको छ। मुख्य पात्र अस्मिता ढकालको अभिनय गीतमा जीवन्त देखिन्छ।

फिल्मका निर्देशक जीवन सेन्चुरीले यो फिल्म नेपाली समाजमा व्याप्त महिला हिंसा, बाल विवाह र अनमेल विवाह जस्ता कुप्रथाहरूलाई सम्बोधन गर्ने प्रयास भएको बताए। गोदावरी फिल्म प्रोडक्सन एन्ड रिसर्च प्रालिको ब्यानरमा निर्मित यस फिल्ममा अस्मिता ढकाल, कृष्णप्रसाद धिताल, देशभक्त खनाल लगायतका कलाकारहरूको अभिनय रहेको छ।

माघ १०, २०८१ बिहीबार १६:५७:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।