सामसुङ ग्यालेक्सी एस२५ शृङ्खला: एआई फोनको ‘नयाँ युग’

काठमाडौँ : सामसुङ इलेक्ट्रोनिक्सले ग्यालेक्सी एस२५ शृङ्खला सार्वजनिक गरेको छ। कम्पनीले यसले एआई सहयोगीको रूपमा नयाँ मापदण्ड स्थापित गरेको दाबी गरेको छ।

ग्यालेक्सी एस२५ शृङ्खलाले बहु-मोडल एआई एजेन्ट प्रयोग गर्दै प्रयोगकर्ताहरूलाई अधिक स्वाभाविक र सन्दर्भसहित मोबाइल अनुभव प्रदान गर्ने कम्पनीको दाबी छ। स्नैपड्रागन ८ एलिट प्रोसेसरले एआई कार्यहरू स्थानीय रूपमा सम्पादन गर्न सक्षम बनाउने कम्पनीले जानकारी दिएको छ।

प्रमुख विशेषताहरूमा गुगल सर्कल टु सर्च, जेमिनी एआई, व्यक्तिगत डाटा इन्जिन र प्रोविजुअल इन्जिन समावेश छन्। फोटो सम्पादन, भिडियो प्रशोधन र डिजाइनमा महत्त्वपूर्ण सुधार गरिएको कम्पनीले जानकारी दिएको छ।

गोपनीयता र सुरक्षामा विशेष ध्यान दिइएको छ। पोष्ट-क्वान्टम क्रिप्टोग्राफी र नौ वर्षसम्म सुरक्षा अपडेट प्रदान गरिने कम्पनीले जानकारी दिएको छ।

एस२५ शृङ्खलाका प्रमुख विशेषताहरू:

एआई क्षमता:

- बहु-मोडल एआई एजेन्ट

- गुगल सर्कल टु सर्च

- जेमिनी एआई एकीकरण

- व्यक्तिगत डाटा इन्जिन

 प्रोसेसर

- स्नैपड्रागन ८ एलिट प्रोसेसर

- एनपीयूमा ४० प्रतिशत सुधार

- सिपियुमा ३७ प्रतिशत वृद्धि

- जीपीयूमा ३० प्रतिशत क्षमता

 क्यामेरा क्षमता:

- नयाँ ५० एमपी अल्ट्राविड क्यामेरा सेन्सर

- १०-बिट एचडीआर रेकर्डिङ

- अडियो इरेसर सुविधा

- पोर्ट्रेट स्टुडियो सुधार

 गोपनीयता र सुरक्षा:

- पोष्ट-क्वान्टम क्रिप्टोग्राफी

- नौ वर्षसम्म सुरक्षा अपडेट

- नौक्स भल्ट

 डिजाइन 

- टाइटानियम फ्रेम

- गोरिल्ला आर्मोर२ सुरक्षा

- पुनः प्रयोग योग्य सामग्रीको उपयोग

माघ १०, २०८१ बिहीबार १६:४५:४७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।