च्याम्पियन्स लिगमा साल्सबर्गमाथि रियलको सहज जित
एजेन्सी : च्याम्पियन्स लिग अन्तर्गत बुधबार भएको खेलमा रियल मड्रिडले साल्सबर्गमाथि ५-१ गोलको सहज जित निकालेको छ।
रियलका लागि रोड्रिगो र भिनिसियस जुनियरले समान दुई-दुई गोल हान्दा केलियन एम्बाप्पेले एक गोल गरे।
रोड्रिगोले खेलको २३औं र ३४औं मिनेटमा गोल गरेपछि रियलले पहिलो हाफमा २-० को अग्रता बनाएको थियो।
एमबाप्पेले ४८औं मिनेटमा गोल गर्दा जुनियरले ५५औं र ७७औं मिनेटमा थप दुई गोल गरे। यो अवस्थामा मड्रिड ५-० ले अगाडि थियो।
तर, खेल सकिन पाँच मिनेट बाँकी रहँदा बिड्सट्रुपले एक गोल फर्काए।
जितसँगै सात खेलबाट १२ अंक जोडेको रियल तालिकाको १६औं स्थानमा छ।
माघ १०, २०८१ बिहीबार ०८:१२:०२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
