यु१९ महिला टी२० विश्वकपमा नेपाल र अष्ट्रेलिया भिड्दै

काठमाडौं : आईसीसी यू-१९ महिला टी-२० विश्वकपमा नेपालले आज अस्ट्रेलियासँग खेल्दैछ।

मलेसियाको बाङ्गीस्थित यूकेएम क्रिकेट ओभलमा खेल नेपाली समय अनुसार मध्यान्ह सवा १२ बजेदेखि खेल सुरू हुनेछ।

नेपालको महिला टोलीले कुनै पनि फर्म्याट वा उमेर समूहमा अस्ट्रेलियासँग खेल्न लागेको यो पहिलोपटक हो।

नेपालले यसअधि लगातार दोस्रो हार बेहोरेको छ। सोमबार भएको खेलमा नेपाल स्कटल्यान्डसँग एक विकेटले पराजित भयो।

नेपाललाई सुपर सिक्स पुग्न आजको खेल जित्नै पर्ने हुन्छ। तर अस्ट्रेलिया जस्तो बलियो टोलीलाई हराउन नेपाललाई सजिलो भने पक्कै हुने छैन।

यसअघिको खेलमा अस्ट्रेलियासँग हारेको स्कटल्यान्डले भने यो जीत सँगै प्रतियोगितामा पुनरागमन गरेको छ। समूह डीमा अस्ट्रेलिया दुई खेलबाट चार अंक जोड्दै तालिकाको शीर्ष स्थानमा छ।

दुई अंकका साथ बंगलादेश दोस्रो र समान अंक बनाएको स्कटल्यान्ड तेस्रो स्थानमा छ। अंकविहिन नेपाल चौथो स्थानमा छ।

माघ ९, २०८१ बुधबार ०७:११:२३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।