कर्णाली र कोशी प्रदेश सभाको हिउँदे अधिवेशन आजदेखि
काठमाडौं : कर्णाली र कोशी प्रदेश सभाको हिउँदे अधिवेशन आजबाट सुरु हुँदैछ।
आजदेखि हुने अधिवेशनको सम्पूर्ण तयारी पूरा भएको दुवै प्रदेशको प्रदेश सभा सचिवालयले जनाएको छ।
कर्णाली प्रदेश सभाको बैठक दिउँसो १ बजे बस्दैछ भने कोशीको बैठक दिउँसो २ बजेका लागि बोलाइएको छ।
कर्णाली प्रदेश सभामा यसपटक कर्णाली प्रदेश लोकमार्ग सम्बन्धमा व्यवस्था गर्न बनेको विधेयक, कर्णाली प्रदेश निजामती सेवा (पहिलो संशोधन) विधेयक र कर्णाली प्रदेश सवारी तथा यातायात सम्बन्धमा व्यवस्था गर्न बनेको विधेयकमाथि छलफल हुनेछ।
त्यसैगरी कोशीको बैठकमा आज प्रदेश प्रमुखको पत्र वाचन, यसबीमा सरकारले ल्याएका अध्यादेश पेश, सभामुखको आदेश अनुमोदन र मुख्य न्यायाधिवक्ता सम्बन्धी विधेयक पेश गर्ने कार्यक्रम छ।
अधिवेशनको पहिलो बैठक भएकाले दलका शीर्ष नेताहरूले सम्बोधन गर्ने कार्यक्रम रहेको छ।
माघ ७, २०८१ सोमबार ११:१०:१९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
