महाभियोग सामना गरिरहेका दक्षिण कोरियाका राष्ट्रपति थप २० दिन हिरासतमै रहने

एजेन्सी : दक्षिण कोरियामा महाभियोगको सामना गरिरहेका राष्ट्रपति युन सुक योलको हिरासत अवधि लम्बिएको छ।

सियोल अदालतका न्यायाधीशले अनुसन्धानकर्ताहरूले योललाई थप २० दिनसम्म हिरासतमा राख्न सक्ने भन्दै वारेन्ट जारी गरेका छन्। युन सुक येओललाई बुधबार पक्राउ गरिएको थियो।

अनुसन्धानकर्ताहरूले उनलाई पक्राउ गर्न युन सुक येओल पुग्न भर्याङ र तार काट्ने मेसिनको प्रयोग गरेर उनीसम्म पुगेका थिए।

पक्राउलाई रोक्न राष्ट्रपति सुरक्षा सेवा (पिएसएस)का कर्मचारीहरूले ब्यारिकेडहरू लगाएका थिए। यसै क्रममा युन सुक येओलका समर्थकहरू पनि भेला भएका थिए ।

गत वर्षको डिसेम्बरमा देशमा मार्सल ल लागू गर्ने घोषणा गरेका युन सुक येओलले विवादपछि उनले फिर्ता लिएका थिए।

त्यसपछि विपक्षीले उनीविरुद्ध महाभियोग प्रस्ताव ल्याएर संसदबाट पारित गराएका थिए। युनविरुद्ध देशद्रोहको आरोपमा पनि अनुसन्धान भइरहेको छ।

संवैधानिक अदालतले युन सुक येओललाई महाभियोगमार्फत पदबाट हटाउनुको वैधानिकताको बारेमा निर्णय गरेको छैन।

यस कारणले, युन सुक येओल प्राविधिक रूपमा अझै पनि दक्षिण कोरियाको राष्ट्रपति छन्।

माघ ७, २०८१ सोमबार ०९:५८:२६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।