‘मंगलम २’ को निर्देशकमा नबल अनुबन्धित
काठमाडौँ : निर्माता छविराज ओझाले ‘मंगलम २’ फिल्म बनाउने घोषणा गरेका छन्। ओझा फिल्म निर्माणमा लामै विश्राम लिएर फर्किन लागेका हुन्।
छविराज र दिजेन्द्र शाक्य मिलेर २०७४ मा प्रदर्शन भएको ‘मंगलम’को सिक्वेल बनाउन लागेका हुन्। सिक्वेलको निर्देशकमा नबल नेपाल अनुबन्धित भएका छन्। मंगलमको निर्देशन उनैले गरेका थिए।
छविराज प्रोडक्सन र गुण सिनेमा प्रालिको ब्यानरमा ‘मंगलम २’ बनाउन लागिएको हो। मंगलममा शिल्पा पोखरेल, साम्राज्ञो आरएल राणा, पुष्प खड्का र निर शाह लगायतका कलाकारहरुको अभिनय रहेको थियो।
रेखा थापासँगको सम्बन्धविच्छेदपछि ओझाले शिल्पालाई आफ्नो फिल्ममा अभिनय गराउने गरेका थिए। शिल्पासँग छवीको सम्बन्धविच्छेद भइसकेको छ। मंगलमको सिक्वेलमा मुख्य कलाकार को को हुने भन्ने सार्वजनिक भइसकेको छैन। निर्माता ओझाले फिल्मका कलाकार र प्राविधिक केही समयपछि सार्वजनिक गरिने बताए।
माघ ६, २०८१ आइतबार १९:२८:२५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
