घाँस काट्न गएकी महिलाको भीरबाट लडेर मृत्यु
काठमाडौं : भिरबाट लडेर मकवानपुरको भीमफेदी गाउँपालिकामा एक महिलाको मृत्यु भएको छ।
मृत्यु हुनेमा भीमफेदी गाउँपालिका-३ ईचुङ निवासी ५३ वर्षीय चमेलीमाया पाख्रिन रहेको प्रहरीले जनाएको छ।
शनिबार दिउँसो ४ बजेतिर घर नजिकै घट्टेखोलाको भीरमा घाँस काट्न गएका पाख्रिनको भीरबाट लडेर मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक श्यामु अर्यालले जानकारी दिए।
पाख्रिनको शव परीक्षणका लागि हेटौंडा अस्पतालमा ल्याइएको छ।
घटनाबारे थप अनुसन्धान भइरहेको प्रहरी नायब उपरीक्षक अर्यालले बताए।
माघ ६, २०८१ आइतबार १३:२४:३६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
