यु१९ महिला टी२० विश्वकप : नेपालले बंगलादेशविरुद्ध टस हार्यो
काठमाडौं : आईसीसी यु१९ महिला टी२० विश्वकपको आफ्नो पहिलो खेलमा नेपालले बंगलादेशविरुद्ध टस हारेको छ।
मलेसियाको वाईएसडी युकेएम क्रिकेट ओभलमा बंगलादेशकी कप्तान सौम्या अख्तरले टस जितेर पहिला बलिङ रोजेकी हुन्।
पहिला ब्याटिङ गर्न लागेको नेपालले आफ्नो प्लेइङ ११ मा समेत घोषणा गरेको छ। कप्तान पूजा महतो र उपकप्तान सोनि पाख्रिनसहित आजको खेल सना प्रविण र सावित्री धामीले खेल्नेछन्।
यसका अलावा किरण कुँवर, सीमाना केसी, एलिसा यादव, तिर्सना विश्वकर्मा, अनु कठायत, रचना चौधरी र रिया शर्मा पनि प्लेइङ ११ को सूचीमा छन्।
नेपाल यसअघि मलेसियामै भएको एसिया कपमा बंगलादेशसँग पराजित भएको थियो। विश्वकपअघिको दुई अभ्यास खेलमा पनि नेपाल वेस्ट इन्डिज र अमेरिकासँग पराजित भएको थियो।
माघ ५, २०८१ शनिबार १२:१३:०४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
