घरमै चोरले चक्कु हान्दा गम्भीर घाइते भए सैफ अलि खान
एजेन्सी : घरमा चोरी गर्न आएका व्यक्तिले चक्कु हान्दा बलिउड अभिनेता सैफ अलि खान गम्भीर घाइते भएका छन्। बुधवार राती साढे दुई बजे मुम्बईको बान्द्रास्थित घरमा उनलाई चोरी गर्न आएका व्यक्तिले चक्कु प्रहार गरेका हुन्।
मुम्बईको लीलावती अस्पतालमा भर्ना भएका उनको शल्यक्रिया भएको छ। ६ पटक चक्कु प्रहार हुँदा उनको घाँटी र मेरुदण्ड लगायतमा गम्भीर चोट लागेको छ।
उनको स्नायु र कस्मेटिक सर्जरी गरिँदै छ। मध्यरात घरमा हल्ला भएपछि उनी उठ्दा चोरसँग जम्काभेट भयो। झडपको क्रममा चोरले अन्धाधुन्ध चक्कु प्रहार गरेको भारतीय सञ्चारमाध्यमहरूले लेखेका छन्।
माघ ३, २०८१ बिहीबार ११:५५:२९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
