जय ट्रफीको फाइनल खेल आजबाट शुरू हुँदै
काठमाडौं : जय ट्रफी एलिट कपको उपाधिका लागि आज दुई विभागीय टोली नेपाल पुलिस र त्रिभुवन आर्मी क्लब प्रतिस्पर्धा गर्दैछन्।
खेल वीरगन्जस्थित नारायणी किक्रेट मैदानमा बिहान ९ बजे सुरु हुँदैछ। लिग चरणका खेल दुई दिवसीय भए पनि फाइनल भने खेल तीन दिवसीय हुनेछ।
लिग चरणबाट पुलिस शीर्ष र आर्मी दोस्रो स्थानमा रहेर उपाधि नजिक पुगेका हुन्। पुलिसले दुई जित र एक बराबरीको नतिजा निकाल्दा आर्मीले दुई बराबरी र एक जित निकाल्यो।
लिग चरणमा पुलिसले मधेश र बागमती प्रदेशलाई हराउँदा आर्मीसँग बराबरी खेलेको थियो। यता आर्मीले बागमतीसँग पनि बराबरी खेल्दा मधेशलाई हराएको थियो।
पुलिस आरिफ शेखको कप्तानी खेलिरहँदा आर्मी भने विनोद भण्डारीको कप्तानीमा खेलिरहेको छ।
माघ १, २०८१ मंगलबार ०७:२३:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
