लस एन्जलसको आगलागीमा परेर २४ जनाको मृत्यु, १६ जना बेपत्ता
एजेन्सी : अमेरिकाको लस एन्जलसमा भएको आगलागीमा परी मृत्यु हुनेको संख्या २४ पुगेको छ।
क्यालिफोर्नियाका मौसमविद्हरूले थप तीव्र हावा चल्ने चेतावनी दिएसँगै यो साता आगलागी अझै बढ्न सक्ने मौसमविद्को अनुमान छ।
दमकलले अझै तीन ठाउँमा आगो नियन्त्रणको प्रयास गरिरहेको छ।
लस एन्जलस काउन्टीका स्वास्थ्य अधिकारीले मृत्यु हुनेको संख्या २४ पुगेको बताएका छन्। जबकि अधिकारीहरूले यसअघि १६ जना बेपत्ता भएको बताएका थिए।
यस आगलागीका कारण इटन क्षेत्रमा १६ जनाको मृत्यु भएको छ भने पालिसेडेस क्षेत्रमा ६ जनाको मृत्यु भएको छ। लस एन्जलस नजिकैको तीन क्षेत्रमा अहिले आगो लागेको छ।
आगलागीका कारण सबैभन्दा बढी क्षति पालिसेडमा भएको छ जहाँ २३ हजार एकडभन्दा बढी क्षेत्र जलेको छ।
आइतबार, एक निजी मौसम अनुगमन कम्पनीले आगलागीबाट आर्थिक क्षतिको प्रारम्भिक अनुमान बढाएर २५० देखि २७० अर्ब अमेरिकी डलरसम्म पुर्याएको छ।
पुष २९, २०८१ सोमबार ११:२३:१५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
