महिला त्रिकोणात्मक टी- २० सिरिजको घोषणा
काठमाडौं : नेपाल क्रिकेट संघ (क्यान) ले महिला त्रिकोणात्मक टी-२० सिरिजको घोषणा गरेको छ। आइतबार क्यानले महिला त्रिकोणात्मक टी-२० सिरिजको घोषणा गरेको हो।
काठमाडौंमा जनवरी ३० देखि फेब्रुअरी ८ सम्म हुने यो प्रतियोगितामा नेपालसहित नेदरल्याण्डस् र थाइल्याण्ड सहभागी हुने भएका छन्।
तीन देशले एक अर्कासहित ३/३ खेल खेल्ने छन् र शीर्ष दुई स्थानमा हुने देश फाइनलमा पुग्ने छन्। सिरिजको फाइनल खेल फेब्रुअरी ८ मा हुने छ।
क्यानका अनुसार टियु अन्तर्राष्ट्रिय क्रिकेट मैदानमा हुने सिरिज अपरान्ह सवा १२ बजेदेखि शुरू हुने छ।
पुष २८, २०८१ आइतबार ०९:२०:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
