जय ट्रफीमा आर्मीका बसीर र भिमको अर्धशतक
काठमाडौं : जय ट्रफी एलिट कप दुई दिवसीय क्रिकेट प्रतियोगितामा त्रिभुवन आर्मी क्लबका दुई ब्याटर बसीर अहमद र भिम सार्कीले अर्धशतक बनाएका छन्।
वीरगञ्जको नारायणी क्रिकेट मैदानमा मधेश प्रदेशविरुद्ध आज सुरु भएको खेलमा बसीर ७३ बलमा छ चौकाको मद्दतमा अर्धशतक बनाएका हुन्।
त्यसैगरी भिमले ८८ बलमा छ चौकाको मद्द्तमा अर्धशतक बनाएका हुन्। यी दुवै खेलाडीले छैटौं विकेटका लागि एक सय रनको साझेदारी समेत गरेका छन्, जुन अहिलेसम्म जारी छ।
आर्मीका लागि यसअघि इमरान शेखले ४२ रन बनाउँदा अन्य चार खेलाडीले दोहोरो अंकमा रन बनाउन सकेनन्।
पुष २७, २०८१ शनिबार १३:२४:५६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
